MƏDƏNİYYƏT
“MİNGƏÇEVİR QÖNGƏLƏRİ”NİN TƏQDİMATI HEYDƏR SEYRƏNGAHINDA OLDU
Mingəçevirdə, Kürün sağ sahilində salınmış Heydər seyrəngahında poeziya gecəsi keçirilmişdir. Gecənin əsas iştirakçıları isə bədii yaradıcılıqla məşğul olan uşaqlar, onların valideynləri, müəllimləri və şer həvəskarları idi. Şəhər icra hakimiyyətinin başçısı Məhəbbət Qarabağlı, Azərbaycan Yazıçılar Birliyi Mingəçevir bölməsinin rəhbəri şair İsmayıl İmanzadə uşaqları onların şerlərinin toplandığı “Mingəçevir qönçələri” kitabının çapdan çıxması münasibətilə təbrik etmiş, kitabın ilk nüsxələrini uşaqlara təqdim etmişlər. Uşaqlar öz şerlərini söyləmiş, mahnılar səslənmişdir. Ziyalılar uşaq bədii təxəyyülünün məhsulu olan şerlər barədə öz fikirlərini bildirmiş, məsləhətlər vermişlər.