MİNGƏÇEVİR TEATRI BAKIDA
Mərziyyə Davudova adına Mingəçevir Dövlət Dram Teatrı dramaturq, xalq yazıçısı İlyas Əfəndiyevin “Sevgililərin cəhənnəmdə vüsalı” pyesini paytaxt tamaşaçılarına təqdim etmişdir. Akademik Milli Dram Teatrının səhnəsində göstərilən tamaşa teatrsevərlər tərəfindən maraqla qarşılanmışdır. 1937-ci ilin qanlı faciələrini əks etdirən bu əsərə Mingəçevir teatrının baş rejissoru, xalq artisti Zülfüqar Abbasov quruluş vermişdir. Əsas rolları əməkdar artistlər Nisə Rzayeva və Akif Mirabov, aktyorlar Afət Məmmədova, Şıxı Yaqubov, İsa Alimov, Vaqif Kərimov, Zülfi Məmmədov oynamışlar.
Yaradıcı kollektivin tamaşaçılarla görüşü olmuşdur. Mingəçevir şəhər icra hakimiyyətinin başçısı Məhəbbət Qarabağlı və Milli Dram Teatrının direktoru, xalq artisti Əlabbas Qədirov truppanı uğurlu tamaşa münasibətilə təbrik etmişlər.
Bölmənin digər xəbərləri
