“MİNGƏÇEVİR YÜKSƏKGƏRGİNLİKLİ ELEKTRİK ŞƏBƏKƏSİ” XƏTLƏRİNİN TEXNİKİ İSTİSMARI SƏVİYYƏSİ YÜKSƏLDİLİR
“Azərenerji” Açıq Səhmdar Cəmiyyətinin (ASC) mətbuat xidmətindən AZƏRTAC-a bildirmişlər ki, istehlakçıları keyfiyyətli və sabit elektrik enerjisi ilə təmin etmək məqsədi ilə yardımçı stansiyalarda və ötürücü infrastrukturlarda müvafiq tədbirlər həyata keçirilir. Bütün enerji obyektlərində, o cümlədən Mingəçevir Yüksəkgərginlikli Elektrik Şəbəkəsində bu istiqamətdə işlər görülür.
ASC-nin rəhbərliyi respublikanın enerji sistemi üçün böyük əhəmiyyət daşıyan 330 kilovoltluq birinci Abşeron, 500 kilovoltluq ikinci Abşeron elektrik xətlərini daim diqqət mərkəzində saxlayır.
Cari ilin ötən 5 ayı ərzində sözügedən xətlərin aralıq beş metal dirəyində texniki istismar səviyyəsinin yüksəldilməsi işləri həyata keçirilmişdir.
Yardımçı stansiyalarda da iş şəraitini yaxşılaşdırmaq üçün tədbirlər görülür. Hazırda müəssisənin inzibati binası əsaslı təmir olunur, idarənin digər binalarının təmiri nəzərdə tutulur.
Xatırladaq ki, müəssisənin balansında təxminən 1700 kilometr uzunluğunda yüksəkgərginlikli elektrik xətləri və 49 yardımçı stansiya vardır.
Bölmənin digər xəbərləri
