MİNGƏÇEVİRDƏ ÖLKƏ ÇEMPİONATININ ZONA YARIŞLARI KEÇİRİLMİŞDİR
Mingəçevir, 13 oktyabr (AZƏRTAC). Mingəçevir şəhərində “Vətənin müdafiəsinə hazıram” devizi altında poliatlon çoxnövçülüyü üzrə ölkə çempionatının zona yarışları keçirilmişdir.
Gənclər və İdman Nazirliyinin tədbirlər planına uyğun olaraq hərbi xidmətə çağırışaqədərki gənclər arasında təşkil olunan bu yarışda Ağstafa, Samux, Mingəçevir, Daşkəsən, Tovuz, Şəmkir, Qazax, Gədəbəy, Tərtər, Naftalan, Göygöl və Goranboy komandaları iştirak etmişlər. Zona yarışına qatılan komandalar təmsil etdikləri şəhər və rayonlarda keçirilmiş daxili birinciliyin qalibi olmuşlar.
Yarışda Mingəçevir, Tovuz və Qazax komandaları müvafiq olaraq I-III yerləri tutmuşlar. Hər üç komanda oktyabrın 23-27-də Qusar rayonunda keçiriləcək ölkə çempionatının final mərhələsinə vəsiqə qazanmışdır.
Bölmənin digər xəbərləri
