MİNGƏÇEVİRDƏ QUŞ QRİPİ TƏHLÜKƏSİ YOXDUR
Mingəçevir Baytarlıq İdarəsindən AZƏRTAC-ın müxbirinə bildirmişlər ki,
şəhərdə və ətrafdakı su hövzələrində quş qripi ilə əlaqədar növbəti monitorinq keçirilmişdir.
Mingəçevir və Varvara su anbarları, Qarabağ kanalı və Kür çayının Mingəçevirdəki hissəsində keçirilən monitorinq zamanı quş qripi xəstəliyi aşkar olunmamışdır.
Qabaqlayıcı tədbirlər kimi, ticarət mərkəzlərində diri quşların satışı qadağan edilmişdir. Şəhərin bütün idarə və müəssisələrində, ali və orta təhsil ocaqlarında quş qripi ilə bağlı mütəmadi olaraq maarifləndirmə işi aparılır.
Bölmənin digər xəbərləri
