MİNGƏÇEVİRDƏ VETERANLARIN FUTBOL ÜZRƏ ÖLKƏ ÇEMPİONATI BAŞA ÇATMIŞDIR
Mingəçevir, 13 oktyabr (AZƏRTAC). Mingəçevir şəhərində veteran futbolçular arasında ölkə çempionatının final görüşləri olmuşdur.
Gənclər və İdman Nazirliyinin təşkilatçılığı ilə Y.Məmmədzadə adına Mingəçevir şəhər stadionunda keçirilən yarışda 12 şəhər və rayonun komandası birincilik uğrunda mübarizə aparmışdır. 35-dən yuxarı yaşı olan futbolçuların iştirak etdiyi turniri AFFA-nın hakimləri idarə etmişlər.
Çempionatın finalında Qax rayonunun veteran futbolçuları Mingəçevir komandasına 2:1 hesabı ilə qalib gələrək birinci yerə çıxmışlar. Yarışda Mingəçevir, Astara və Şəki komandaları müvafiq olaraq II-IV yerləri bölüşmüşlər. Komandalara mükafatlar təqdim olunmuşdur.
Bölmənin digər xəbərləri
