MİSİRDƏ NOVRUZ BAYRAMI QEYD EDİLMİŞDİR
Səfir Faiq Bağırov Azərbaycan Prezidenti İlham Əliyevin Novruz bayramı münasibətilə Azərbaycan xalqına təbrikini oxumuşdur.
Xalqımızın həyatında xüsusi yeri olan Novruz bayramı barədə məlumat verilmişdir. Mərasimdə Novruz şirniyyatlarından və milli mətbəximizdən ibarət süfrə açılmış, Misirdə təhsil alan tələbələrimizin və buradakı diasporumuzun nümayəndələrinin ifasında rəqslərimiz nümayiş etdirilmişdir. Bundan əlavə, Novruz bayramından və ölkəmizin səfalı guşələrindən bəhs edən film göstərilmiş, səfirliyin hazırladığı broşür tədbir iştirakçılarına paylanmışdır.
Mərasimdə MƏR-in ali təhsil və səhiyyə nazirləri, xarici işlər nazirinin müavinləri, müxtəlif dövlət orqanlarının və diplomatik korpusun təmsilçiləri, iş adamları, tələbələr, Avrasiya Yazıçılar İttifaqının üzvləri iştirak emişlər. Yerli KİV tədbiri geniş şəkildə işıqlandırmışlar.
