Misirdə səyahət gəmisindəki 12 turist koronavirusa yoluxub
Qahirə, 6 mart, AZƏRTAC
Misirdə Nil çayında üzən səyahət gəmisinin 12 sərnişinində koronavirus aşkar edilib. AZƏRTAC xəbər verir ki, bu barədə Misirin Səhiyyə Nazirliyi məlumat yayıb.
Məlumatda qeyd olunub ki, Asuandan Luksora gedən turistlər arasında virusu Tayvan mənşəli ABŞ vətəndaşı yayıb. Dünya Səhiyyə Təşkilatının yerli nümayəndəsi də 12 nəfərin COVID-19 virusuna yoluxduğunu təsdiqləyib.
Nazirlik bildirib ki, göyərtədə olan 14 nəfərdən ikisinin və gəmi heyətinin analizi onların sağlam olduğunu göstərib. Qalan 12 nəfər isə xəstəxanada karantin altına alınıb.
Bundan əvvəl isə Misirdə üç nəfərin koronavirusa yoluxduğu bildirilmişdi.
Oqtay Bayramov
AZƏRTAC-ın xüsusi müxbiri
Qahirə
Bölmənin digər xəbərləri
