İQTİSADİYYAT
Misirin Azərbaycandakı səfiri: Azərbaycanla əməkdaşlığa önəm veririk
Bakı, 16 iyul, AZƏRTAC
Misir Ərəb Respublikasının Azərbaycandakı fövqəladə və səlahiyyətli səfiri Hişam Mohamed Nağı Abdel Həmid İxracın və İnvestisiyaların Təşviqi Agentliyində (AZPROMO) olub.
AZPROMO-dan AZƏRTAC-a bildirilib ki, agentliyin rəhbəri Yusif Abdullayev təmsil etdiyi qurumun fəaliyyəti, xarici tərəfdaşlarla qarşılıqlı əlaqələrin genişləndirilməsi, qeyri-neft məhsullarının ixracı, qeyri-neft sektoruna investisiyaların cəlb edilməsi istiqamətində İxracın və İnvestisiyaların Təşviqi Agentliyi tərəfindən görülən işlər barədə məlumat verib, bu ilin fevral ayında Misir Ticarət və Sənaye Nazirliyi ilə Bakıda imzalanmış anlaşma memorandumu çərçivəsində həyata keçirilən tədbirlərdən danışıb.
Səfir Hişam Nağı ölkəsinin Azərbaycanla əməkdaşlığa önəm verdiyini deyib, bu sahədə iş adamlarının rolunu qeyd edib.
Görüşdə iqtisadi-ticarət tərəfdaşlığının genişləndirilməsi, biznes dairələri arasında əlaqələrin inkişafı istiqamətləri barədə fikir mübadiləsi aparılıb.