Misli Premyer Liqası: “Qarabağ” “Turan Tovuz”a qalib gələrək liderliyə yüksəlib
Bakı, 17 oktyabr, AZƏRTAC
Futbol üzrə Misli Premyer Liqasında VIII turun daha bir oyunu keçirilib.
AZƏRTAC xəbər verir ki, “Turan Tovuz” “Azərsun Arena”da “Qarabağ”la qarşılaşıb.
Görüş Ağdam təmsilçisinin 2:1 hesablı qələbəsi ilə başa çatıb.
"Qarabağ"ın heyətində 55-ci dəqiqədə Nəriman Axundzadə, 63-cü dəqiqədə Abdullah Zubir fərqləniblər. "Turan Tovuz"un yeganə qoluna isə 40-cı dəqiqədə Alexandro Serrano imza atıb. O, penalti zərbəsini dəqiq yerinə yetirib.
Bu nəticədən sonra xallarının sayını 16-ya çatdıran “köhlən atlar” turnir cədvəlinin ilk pilləsinə yüksəlib. "Turan Tovuz" isə 15 xalla ikinci sırada yer alıb.
Günün ilk görüşündə “Kəpəz” “Şamaxı”nı 4:1 hesabı ilə üstələyib.
Bölmənin digər xəbərləri
