Misli Premyer Liqası: “Sabah” “Neftçi”yə qalib gəlib
Bakı, 8 dekabr, AZƏRTAC
Misli Premyer Liqasında XIV turun növbəti oyunu keçirilib.
AZƏRTAC xəbər verir ki, “Sabah” evdə “Neftçi” ilə qarşılaşıb. Görüş meydan sahiblərinin 2:0 hesablı qələbəsi ilə yekunlaşıb.
Qələbə sayəsində “tələbələr” 28 xalla 2-ci pilləyə yüksəlib. Qonaqlar isə 16 xalla 8-ci yerdədir.
Günün ilk matçında “Qəbələ” ilə “Turan Tovuz” qarşılaşıb. Görüş qatı duman səbəbindən 23-cü dəqiqədə yarımçıq dayandırılıb.
XIV turun əvvəlki oyunlarında "Şamaxı" "Karvan-Yevlax"a 3:0 hesabı ilə qalib gəlib, "Zirə" isə "Qarabağ"la heç-heçə edib - 1:1. Tur dekabrın 9-da başa çatacaq.
Bölmənin digər xəbərləri
