MOLDOVA MƏMURLARI SİQARETİ KÜÇƏDƏ ÇƏKMƏLİ OLACAQLAR
Sənədə görə, bu il iyulun 1-dən etibarən nazirlik və idarələrin məmurları və buraya gələnlər siqareti yalnız binanın xaricində xüsusi ayrılmış yerlərdə çəkə bilərlər. Qadağa məmurların xidməti kabinetlərdə siqaret çəkmələri barədə əhalinin çoxsaylı şikayətləri ilə əlaqədar tətbiq olunur.
Moldova hökuməti başçısının sərəncamına uyğun olaraq, bu qaydanı pozanlar üçün cərimə dərəcələri işlənib hazırlanacaq, ipə-sapa yatmayanlar barəsində işdən qovulmaq da daxil olmaqla, ən ciddi tədbirlər görüləcəkdir.
