MOLDOVA RESPUBLİKASININ PREZİDENTİ ZATİ-ALİLƏRİ CƏNAB VLADİMİR VORONİNƏ
Hörmətli Vladimir Nikolayeviç,
Milli bayram - Moldova Respublikasının müstəqilliyinin elan olunmasının 10 illiyi münasibətilə Sizi və dost Moldova xalqını ürəkdən təbrik edirəm.
Əminəm ki, Sizin rəhbərliyinizlə qardaş Moldova suveren, demokratik, hüquqi dövlətin qurulması və möhkəmləndirilməsi, dünya birliyinə inteqrasiya yolu ilə bundan sonra da inamla gedəcəkdir.
Əminəm ki, Azərbaycanla Moldova arasındakı ənənəvi dostluq və əməkdaşlıq münasibətləri regionda sülh və sabitlik naminə, xalqlarımızın tərəqqisi naminə möhkəmlənəcək və genişlənəcəkdir.
Sizə möhkəm cansağlığı, uğurlar, qardaş Moldova xalqına sülh və firavanlıq arzulayıram.
Hörmətlə,
HEYDƏR ƏLİYEV
Azərbaycan Respublikasının Prezidenti
Bakı şəhəri, 21 avqust 2001-ci il.
Bölmənin digər xəbərləri
