Moqadişoda törədilən partlayışlar nəticəsində azı 15 nəfər həlak olub
Bakı, 22 dekabr, AZƏRTAC
Bu gün səhər saatlarında Somalinin paytaxtı Moqadişoda baş verən iki partlayış nəticəsində azı 15 nəfər həlak olub.
AZƏRTAC xəbər verir ki, DPA agentliyinin yerli polis orqanlarına istinadla yaydığı məlumata görə, partlayışlar Milli Teatrın yaxınlığında törədilib. Hücum partlayıcı yüklənmiş iki avtomobil vasitəsilə həyata keçirilib.
Terror aktının məsuliyyətini ölkədə fəaliyyət göstərən “Əş-Şəbab” qruplaşması üzərinə götürüb. Hücumun hədəfi həmin ərazidə yerləşən Prezident Sarayının nəzarət-buraxılış məntəqəsi olub.
Somalinin hüquq-mühafizə orqanları hadisə ilə bağlı təhqiqata başlayıb.
Bölmənin digər xəbərləri
