MSTİSLAV ROSTROPOVİÇƏ ARGENTİNANIN “KONEKS” MƏDƏNİYYƏT FONDUNUN MÜKAFATI TƏQDİM EDİLMİŞDİR
İTAR-TASS xəbər verir ki, dünya şöhrətli musiqiçi Mstislav Rostropoviçə Argentinanın “Koneks” mədəniyyət fondunun illik mükafatı təqdim olunmuşdur. Bu mükafat görkəmli mədəniyyət, elm və təhsil xadimlərinə verilir.
Mükafatın təqdim edilmə mərasimi Rusiya Federasiyasının Buenos-Ayresdəki səfirliyində olmuşdur. Dahi violonçelçi Argentinanın məşhur “Kolon” teatrında orkestrlə violonçel üçün iki konsert verdikdən sonra səfirliyə gəlmişdir.
Rusiya səfirliyində Mstislav Rostropoviçlə bərabər Argentinanın “Motsarteum” musiqi cəmiyyətinin sədri, iyun ayında yaradıcılıq fəaliyyətinin 50 illiyi tamam olacaq xanım Janet Arata-de-Eriseni də təbrik etmişlər. O, Argentinanın mədəni həyatında tanınımış simadır. 1961-ci ildə Mstislav Rostropoviçi bu ölkəyə ilk dəfə məhz o gətirmişdir.
Bölmənin digər xəbərləri
