Müşahidə olunan və gözlənilən hava şəraiti
Bakı, 24 yanvar, AZƏRTAC
Milli Hidrometeorologiya Xidməti tərəfindən əvvəlcədən xəbər verildiyi kimi, ölkə ərazisində yağıntılı hava şəraiti davam edir. Hazırda Bakıda və Abşeron yarımadasında qar yağır, yağıntı axşama doğru tədricən kəsiləcək.
Xidmətdən AZƏRTAC-a verilən məlumata görə, havanın temperaturu hazırda 1 dərəcəyədək isti qeydə alınır, axşam saatlarında 0 dərəcəyə yaxın olacaq. Yağıntılı hava şəraiti və arabir güclənən şimal-qərb küləyi ilə əlaqədar yollarda görmə məsafəsinin məhdudlaşacağı, gecə və səhər saatlarında şəhərin nisbətən yüksək ərazilərində yolların buz bağlayacağı ehtimal olunur.
Bölgələrdə də yağıntılar davam edir. Bəzi yerlərdə qar yağır, ayrı-ayrı ərazilərdə yağıntılar intensiv xarakterlidir. Axşama doğru bölgələrdə də yağıntılar tədricən kəsiləcək. Gözlənilən yağıntılı və şaxtalı hava şəraiti ilə əlaqədar yolların buz bağlayacağı ehtimal olunur.
Yanvarın 25-dən Bakıda və Abşeron yarımadasında, eləcə də bölgələrdə hava şəraitinin sabit, gün ərazində əsasən yağmursuz keçəcəyi proqnozlaşdırılır.
Bölmənin digər xəbərləri
