Mütəxəssis: Bəzi balıqlar Xəzər dənizinə keçə bilmir
Bakı, 4 sentyabr, AZƏRTAC
Son 7-8 ildə Kür çayının suyu azalıb. Çayın ətrafında təsərrüfat fəaliyyəti o qədər çoxalıb ki, çay Xəzər dənizinə 40 faiz tükənmiş halda çatır.
Bunu AZƏRTAC-a açıqlamasında Elm və Təhsil Nazirliyinin Zoologiya İnstitutunun Hidrobiologiya laboratoriyasının müdiri, fəlsəfə elmləri doktoru Süleyman Süleymanov deyib.
Ekoloji şəraitin dəyişməsi ilə əlaqədar olaraq Kür çayının suyunun 40 faiz azaldığını bildirən S.Süleymanov fikirlərinə belə davam edib: “Azərbaycan dünyada çaylarının suyu tükənən ölkələr sırasındadır. Bu gün Xəzər dənizinin səviyyəsi sahildən 300-400 metr uzaqlaşıb. Nəticədə keçici balıqlar Xəzər dənizinə keçə bilmir. Balıqlar şor suda yaşayır, kürünü tökmək üçün isə onlara şirin su lazımdır. Xəzəryanı ərazilərdə 40 il əvvəlki balıqlar demək olar ki, qalmayıb. Çünki dənizdə yaşayıb, Kürə getmək üçün onlarda elə bir şərait yoxdur. Çayların üzərindəki bəndlər də balıqların kürütökmə prosesinə kifayət qədər ziyan vurur. Həmin balıqların bəziləri artıq “Qırmızı kitab”a düşüb. Bu gedişlə gələcək nəsillər bəzi balıqların özlərini deyil, şəkillərini görəcəklər. Bu məqamda onu da qeyd etmək yerinə düşər ki, dünyada məhv olan balıqların sayı indikindən iki dəfə çoxdur”.
Mövzu ilə bağlı hazırlanmış materialla daha ətraflı linkdə tanış ola bilərsiniz.
Bölmənin digər xəbərləri
