Muxtar respublikada fövqəladə hallara hazırlıq işləri uğurla həyata keçirilir
Naxçıvan, 12 may, AZƏRTAC
Naxçıvan Muхtаr Rеspublikаsındа əhаlinin və ərаzilərin fövqəlаdə hаllаrdаn qоrunmаsı, fövqəlаdə hаllаrın qаrşısının аlınmаsı və nəticələrinin аrаdаn qаldırılmаsı, yаnğın təhlükəsizliyinin, tikintidə, sənаyеdə və dаğ-mədən işlərində tехniki təhlükəsizliyin təmin оlunmаsı istiqаmətində qаrşıyа qоyulmuş vəzifələr ötən ay da uğurla icrа olunub.
Muxtar respublikanın Fövqəladə Hallar Nazirliyinin mətbuat xidmətindən AZƏRTAC-ın Naxçıvan bürosuna bildirilib ki, qarşıya qoyulmuş tapşırıqların icrasını təmin etmək məqsədilə fövqəladə hallar zamanı fəaliyyəti zəruri olan 54 müəssisə və təşkilatın fövqəladə hallara hazırlığı yoxlanılıb, aşkar olunan çatışmazlıqların aradan qaldırılması üzrə müvafiq tövsiyələr verilib.
Muxtar respublikada virus infeksiyalarına və yoluxucu xəstəliklərə qarşı profilaktik tədbirlərin keçirilməsinə nazirliyin şəxsi heyəti cəlb edilərək Naxçıvan şəhəri, rayon və kənd mərkəzləri, habelə “Naxçıvan” Əlahiddə Sərhəd Diviziyası və hərbi şəhərciyi, sərhəd və gömrük keçid məntəqələri, Əlahiddə Ümumqoşun Ordunun hərbi şəhərcikləri və hərbi hissələri, Daxili Qoşunların “Naxçıvan” Əlahiddə Əməliyyat Briqadası, hərbi şəhərciyi, Orta İxtisas Polis Məktəbi və Heydər Əliyev adına Hərbi Lisey dezinfeksiya olunub.
Ötən ay Əlahiddə Ümumqoşun Orduda keçirilən toplantılarda nazirliyin müvafiq vəzifəli şəxsləri, çöl-səhra şəraitində keçirilən ixtisas məşğələlərində pirotexniklər iştirak edib. Həmçinin Ordunun Təlim-Tədris Mərkəzində 6 müddətdən artıq həqiqi hərbi xidmət hərbi qulluqçusu ixtisasartırma kursunu başa vuraraq müvafiq sertifikatla təmin edilib.
Sənаyеdə və dаğ-mədən sаhələrində tехniki təhlükəsizliyin təmin оlunmаsı məqsədilə 26 təhlükə pоtеnsiаllı оbyеktdə yохlаmа kеçirilib, 8 müəssisədə 68 nəfərin iştirakı ilə maarifləndirmə işi aparılıb, 1 müəssisə dövlət reyestrində qeydiyyata alınıb və 3 texnoloji nəqliyyat vasitəsi dövlət qeydiyyatından keçirilib. 18 qurğu texniki təhlükəsizlik sertifikatı ilə təmin edilib, 23 texnoloji nəqliyyat vasitəsi texniki baxışdan keçirilib, 1 müəssisəyə lisenziya verilib, 1 müəssisədə isə əvvəlcədən verilmiş lisenziyanın şərtlərinə əməl olunması yoxlanılıb. 10 tibb müəssisəsində radiasiya təhlükəsizliyinin vəziyyəti yoxlanılıb, 2 tibb müəssisəsinə radioloji-gigiyenik pasport verilib.
Təbii qazdan və elektrik enerjisindən istifadə zamanı məsrəfçiliyin qarşısının alınması və yanğın təhlükəsi yarada biləcək sahələrin ləğv edilməsi məqsədilə yerli icra hakimiyyəti orqanları ilə qarşılıqlı əlaqədə 3 min 586 yaşayış evinə baxış keçirilib, 51 elektrik və 114 şlanqla çəkilmiş qaz xəttinin yeri dəyişdirilib, 8 qazla işləyən nasaz suqızdırıcısının və 151 tezqatlanan tüstü borusunun istismarı dayandırılıb. Daşınmaz əmlakın icbari sığortası ilə bağlı müəssisə və təşkilatlarda izahat işləri aparılaraq 29 obyektdə icbari sığorta müqaviləsinin bağlanılması təmin edilib.
Nazirliyin Dövlət Tikintidə Təhlükəsizliyə Nəzarət İdarəsi tərəfindən 48 tikinti obyektində işlərin tikinti norma və qaydalara uyğun aparılmasına nəzarət olunub, yeni tikilən 38 obyektin layihə-smeta sənədləri ekspertizadan keçirilib, istismara verilmiş 4 obyektin “İstismara hazırlıq aktı” tərtib olunub. Şərur şəhərində Bayraq Meydanının tikintisi ilə bağlı müəyyən olunmuş sahədən götürülmüş qrunt nümunələrinin fiziki-mexaniki xüsusiyyətləri laboratoriyada araşdırılıb və müvafiq mühəndis-geoloji hesabat hazırlanıb.
Bölmənin digər xəbərləri
