NALÇİKDƏ 50-YƏ YAXIN YARAQLI MƏHV EDİLMİŞDİR

14.10.2005 [00:13]
Çap et
A⁺ A^-

AZƏRTAC-ın xüsusi müxbiri xəbər verir ki, Rusiya yenə yaraqlıların həyasızcasına basqını ilə üzləşmişdir. Belə ki, oktyabrın 13-də səhər “Camaat” vəhhabi qruplaşmasının yaraqlıları Kabarda-Balkariyanın paytaxtı Nalçikdə eyni vaxtda 6 obyektə basqın etmişlər. Rusiya hüquq mühafizə orqanlarının məlumatına görə, DİN, FTX, hərbi komissarlıq və narkotiklərə nəzarət idarəsi binalarına və bir neçə milis bölməsinə silahlı basqın edilmişdir.

Rusiya DİN-i dərhal bu hadisəyə münasibətini bildirmiş, Nalçik şəhəri Rusiya daxili qoşunları tərəfindən mühasirəyə alınmışdır.

Rusiya Prezidenti Vladimir Putin vəziyyəti nəzarət altında saxlayır və güc qurumlarına Nalçikin tamamilə mühasirəyə alınması üçün tədbirlər görməyi tapşırmışdır. V.Putin Rusiya daxili işlər nazirinin müavini Aleksandr Çekalini qəbul etmişdir. O, Kabarda-Balkariyada yaranmış vəziyyət barədə Prezidentə məlumat vermişdir. A.Çekalin bildirmişdir ki, 50-dən çox yaraqlı məhv edilmiş, şəxsi heyətin itkisi 10-12 nəfər olmuşdur. A.Çekalin demişdir ki, Rusiya Prezidentinin Fərmanına uyğun olaraq, Cənub Federal Dairəsinin bütün şəhərlərində operativ qruplar yaradılmışdır və bu sistem dəqiq işləmişdir.

A.Çekalinin sözlərinə görə, yaraqlıların ümumi sayı təxminən 80 nəfərdir.

Nalçik şəhəri federal qoşunlar, o cümlədən xüsusi təyinatlı dəstələr tərəfindən mühasirəyə alınmışdır.

NALÇİKDƏ 50-YƏ YAXIN YARAQLI MƏHV EDİLMİŞDİR

MÜƏLLİFLƏ ƏLAQƏ

Bölmənin digər xəbərləri