NAR MOBİLE ABUNƏÇİLƏRİ “SMS NOTİFİCATİONS” XİDMƏTİNDƏN İSTİFADƏ EDƏ BİLƏCƏKLƏR
Bakı, 28 oktyabr (AZƏRTAC). “AzəriKard”ın təqdim etdiyi “SMS Notifications” xidməti Nar Mobile abunəçilərinin istifadəsinə verilmişdir.
Mobilbank xidmətinin bir hissəsi olan “SMS Notifications” bank kart sahibinin onun kartı vasitəsilə aparılan bütün əməliyyatları haqqında SMS mesajı ilə xəbərdarlıq deməkdir. Bu xidmətə istənilən ATM-dən, nömrədən, telefonda sim kartı dəyişmədən, bank və mobil operatorların filiallarına müraciət etmədən qoşulmaq olar.
“SMS Notifications” xidməti bir nömrəyə bir neçə bank kartını qoşmaq imkanı yaradır. Bu kartlar istər kredit, istərsə də debet elektron bank kartları ola bilər. Kart sahibinin yerləşdiyi yerdən və vaxtdan asılı olmayaraq onun mobil telefonuna SMS-xəbərdarlıq göndərilir.
