“Nar Mobile” limitsiz SMS paketini təqdim etmişdir
Bakı, 4 avqust (AZƏRTAC). “Azerfon” MMC avqustun 4-dən “Limisiz SMS” paketini təqdim etmişdir. SMS paketini sifariş etdikdə “Nar Mobile” abunəçilərinə 1 manata həftə ərzində limitsiz SMS göndərmək mümkündür. Bundan əlavə, 20 şəbəkə xarici SMS hədiyyə olacaqdır.
Şirkətdən AZƏRTAC-a bildirmişlər ki, paketi aktivləşdirmək üçün SMS 7 yazıb, 777-yə göndərmək və ya mobil telefonunun ekranında *777#545#YES şifrəsini yığmaq lazımdır. Bundan əlavə SMS+ paketini sifariş etməklə 50 qəpiyə ölkə daxilində bütün nömrələrə 25 SMS əldə etmək olar. Bu paketi aktivləşdirmək üçün SMS25 yazıb, 777-yə göndərmək və ya telefonun ekranında *777#525#YES şifrəsi yığılmalıdır.
SMS+ paketi aktiv olduğu halda paketin eynisini və ya “Limitsiz SMS” paketini sifariş etmək mümkündür. Limitsiz SMS paketi aktiv olduqda isə yalnız SMS+ paketini sifariş etmək olar.
Bölmənin digər xəbərləri
