“NAR MOBİLE” ÖDƏNİŞLƏRİN AKTİVLİK MÜDDƏTİNİ ARTIRMIŞDIR
AZƏRTAC xəbər verir ki, “Azerfon” MMC (Nar Mobile ticarət nişanı) abonentlərinin rahatlığını təmin etmək məqsədi ilə Nar Mobile nömrələrinin ödənişdən istifadə müddətini, eləcə də daxil olan zənglərin müddətini uzatmışdır.
Abunə haqqı olmayan öncədən ödənişli tarif planlarının (Rəngarəng Zövqlər 1 və 2, Həvəskar, Tələbə, Nar Mobile Məkanı) abonentlərinin balansa yüklədikləri 2 manat və daha yüksək nominallı ödəniş kartları üçün istifadə müddəti 180 gün təşkil edəcəkdir. Tətbiq edilən ödənişlərdən yeni istifadə müddəti bütün növ öncədən ödənişli tarif planlarının istifadəçiləri üçün nəzərdə tutulmuşdur.
180 günlük ödəniş müddəti bitdikdə nömrə 90 gün davam edən birtərəfli qadağa statusuna keçəcəkdir. Bu müddətdə balans artırılmadığı halda nömrə 90 gün davam edən ikitərəfli qadağa statusuna keçəcəkdir. Qeyd olunan 360 gündən sonra balansın artırılmadığı halda nömrəyə xidmətin göstərilməsi dayandırılacaqdır.
Abunə haqqı olan öncədən ödənişli tarif planlarının (Xoş Xəbər, Məqsədə Doğru) abunəçiləri 180 gün davam edəcək birtərəfli qadağa statusunda balans bu müddətdə artırılmadığı halda nömrə daha 90 gün ərzində ikitərəfli qadağa statusunda olacaqdır. Göstərilən 270 gündən sonra nömrəyə xidmətin göstərilməsi dayandırılacaqdır.
Bütün Nar Mobile abonentləri birtərəfli qadağa statusunda olduqda “Mənə zəng et” xidmətindən yararlana biləcəklər.
Bölmənin digər xəbərləri
