NAXÇIVAN DÖVLƏT UNİVERSİTETİNDƏ XOCALI SOYQIRIMI İLƏ BAĞLI TƏDBİRLƏR KEÇİRİLMİŞDİR
Naxçıvan Dövlət Universitetində Xocalı soyqırımının 11-ci ildönümü ilə bağlı bir sıra tədbirlər keçirilmişdir. Universitetin çağırışaqədərki hazırlıq və mülki müdafiə korpusunda “Unutsaq unudularıq”, “Xocalı soyqırımı”, “Şəhidlər unudulmur” guşələri açılmışdır.
“Xocalı soyqırımı və ibrət dərsləri” mövzusunda tədbirdə universitetin rektoru, ME-nın müxbir üzvü İsa Həbibbəyli çıxış edərək, Xocalı faciəsinin ermənilərin azərbaycanlılara qarşı apardığı soyqırımı siyasətinin nəticəsi olduğunu vurğulamışdır.
Universitetin “Gənclik parkı”nda tələbə rəssam Ülviyyə Həmzəyevanın layihəsi əsasında ucaldılan “Soyqırım” abidəsinin önünə əklil qoyulmuş, Azərbaycanın müstəqilliyi və ərazi bütövlüyü uğrunda şəhid olanların xatirəsi yad edilmişdir.
Bölmənin digər xəbərləri
