NAXÇIVAN İNCƏSƏNƏT USTALARI GƏNCƏDƏ KONSERT VERMİŞLƏR
Naxçıvan Muxtar Respublikası Dövlət Filarmoniyasının solistləri Azər Cəfərov, Elçin Tağıyev, Mübariz Əsgərov, Tural Nəcəfov və Gülnarə Nəcəfova Gəncə musiqisevərlərinin qonağı olmuşlar. Qara Qarayev adına Azərbaycan Dövlət kamera orkestrinin müşayiəti ilə geniş və rəngarəng proqramla çıxış edən incəsənət ustalarının ifasında səslənən xalq mahnıları və klassik musiqi əsərləri tamaşaçılar tərəfindən alqışlarla qarşılanmışdır.
Orkestrin bədii rəhbəri və baş dirijoru, respublikanın xalq artisti Teymur Çöyçayev AZƏRTAC-ın müxbirinə demişdir ki, reallaşdırılan bu tədbirin əsas məqsədi bölgələrdə klassik musiqiyə olan marağı artırmaq, vokal sənətinin ifaçılarını musiqisevərlərə tanıtmaqdır.
Bölmənin digər xəbərləri
