NAXÇIVANDA DUZ İSTEHSALI ARTIR
Naxçıvan Filiz İdarəsindən AZƏRTAC-ın müxbirinə bildirmişlər ki, cari ilin əvvəlindən bəri 2168 ton daş duz və min tona yaxın narın duz istehsal edilmişdir. Məhsullar Bakı, Sumqayıt, Gəncə, Bərdə, Masallı, Lənkəran və digər şəhərlərdəki satış məntəqələrinə yola salınmışdır. Bu müddətdə işçilərin sayı 94 nəfərdən 109 nəfərə çatdırılmışdır. Yeni sexin yaradılması ilə əlaqədar daha 30 iş yeri açılacaqdır. İşçilərin aylıq əmək haqqı 500-650 min manat təşkil edir. İlin sonunadək 7 min ton daş duz, 3 min tonadək narın duz istehsal olunacaqdır.
Bölmənin digər xəbərləri
