Naxçıvanda fiziki və hüquqi şəxslərə 232,9 milyon manatdan çox məbləğdə kreditlər verilib
Naxçıvan, 29 noyabr, AZƏRTAC
Muxtar respublikada təsərrüfat subyektlərinin kredit resurslarına çıxış imkanları davamlı olaraq yaxşılaşdırılıb.
Naxçıvan Muxtar Respublikası Dövlət Statistika Komitəsinin mətbuat xidmətindən AZƏRTAC-ın Naxçıvan bürosuna bildirilib ki, 2022-ci ilin yanvar-oktyabr aylarında muxtar respublikanın bank və kredit təşkilatları tərəfindən fiziki və hüquqi şəxslərə 232 milyon 952 min 600 manat məbləğində kreditlər verilib. Bu da ötən ilki göstəricidən 25,4 faiz çoxdur.
Verilmiş kreditlərin 19 milyon 19 min 800 manatı və yaxud 8,2 faizi qısamüddətli, 213 milyon 932 min 800 manatı və yaxud 91,8 faizi uzunmüddətli kreditlər olub.
Bölmənin digər xəbərləri
