NAXÇIVANDA YAZ İMƏCİLİYİ MÜTƏŞƏKKİL KEÇMİŞDİR
AZƏRTAC-ın müxbiri xəbər verir ki, Naxçıvan-Sədərək magistral yolunun Şorsu körpüsü yaxınlığındakı ərazidə iməcilik keçirilmişdir. Naxçıvan Muxtar Respublikası Ali Məclisinin, Nazirlər Kabinetinin, şəhər icra hakimiyyətinin kollektivləri yeni yaşıllıq zolağının salınmasında iştirak etmişlər. Bu ərazidə 1,5 hektar torpaq sahəsi yaşıllıq zolağının salınmasından ötrü şumlanmış, ağac və gül kolları əkmək üçün çalalar qazılmışdır.
Gün ərzində Naxçıvan şəhərində Şorsu körpüsü, xatirə abidəsi, İmamzadə kompleksi ətrafında, “Xalça” muzeyinin yaxınlığında və Naxçıvançay vadisində 2600 ədəddən çox meyvə və bəzək ağacı əkilmişdir. Yaz iməcilikləri aprelin 15-dək davam edəcəkdir.
Bölmənin digər xəbərləri
