NEFT ŞİRKƏTİ ZAQATALA MƏKTƏBLƏRİNƏ YENİ KOMPYUTERLƏR HƏDİYYƏ ETMİŞDİR
AZƏRTAC-ın müxbiri xəbər verir ki, yeni kompyuter dəstləri məktəb rəhbərlərinə rayon icra hakimiyyətində keçirilən “Zaqatala təhsilinin uğurları və qarşıda duran vəzifələr” mövzusuna həsr olunmuş müşavirədən sonra təqdim edilmişdir. Tədbirdə qazanılmış uğurlarla yanaşı, rayonun təhsil sahəsində mövcud olan problemlər də xüsusi qeyd olunmuş, tədris prosesinin səviyyəsinin yüksəldilməsi, təhsilin keyfiyyətinin artırılması ilə bağlı məktəb rəhbərlərinə müvafiq tapşırıqlar verilmişdir.
Qeyd edək ki, hazırda rayonda dövlət başçısının müvafiq sərəncamına uyğun olaraq, məktəblərin kompyuterləşdirilməsi proqramı da uğurla yerinə yetirilir. İndiyədək bu proqram çərçivəsində rayonun 17 ümumtəhsil məktəbinə 119 ədəd kompyuter dəsti verilmişdir və bu istiqamətdə iş davam etdirilir.
Bölmənin digər xəbərləri
