Neftçalada 4200 hektardan çox yazlıq əkin işləri aparılıb
Neftçala, 11 may, Aydın Yavərzadə, AZƏRTAC
Neftçala rayon təsərrüfatlarında yaz tarla işləri davam edir. Fermerlər əlverişli hava şəraitindən yararlanaraq tarla işlərini optimal müddətdə yekunlaşdırmağa çalışır.
Neftçala Rayon Statistika İdarəsindən AZƏRTAC-ın bölgə müxbirinə verilən məlumata görə, Neftçala rayon təsərrüfatlarında 2023-cü il 1 may tarixinə rayon üzrə 4279,1 hektar sahədə yazlıq əkinləri əkilib. Ondan payızlıq və yazlıq da daxil olmaqla 1429 hektar sahə təzə yoncanın, 146,6 hektar kartofun, 126,2 hektar sahə tərəvəzin, 49,7 hektar sahə bostanın, 2326,6 hektar sahə pambığın, 166 hektar sahə vələmirin, 30 hektar sahə qarğıdalının, 5 hektar sahə isə bir illik ot bitkilərinin payına düşüb.
Bölmənin digər xəbərləri
