Neftçalada ət və süd məhsullarının istehsalı artıb
Neftçala, 19 avqust, Aydın Yavərzadə, AZƏRTAC
Neftçalada kənd təsərrüfatının aparıcı sahələrindən olan maldarlıqda cari ilin birinci yarısında uğurlu nəticələr əldə edilib. Mal-qaranın sayı 43156 başa, inək və camışların sayı 21880 başa, qoyun və keçilərin sayı 143281 başa çatıb.
Rayon Statistika İdarəsindən AZƏRTAC-ın bölgə müxbirinə verilən məlumata görə, rayon təsərrüfatlarında 2021-ci ilin yanvar-iyun aylarında ət istehsalı 0,6 faiz artaraq 6060,4 ton, quş əti 0,7 faiz artaraq 4309,5 ton, süd istehsalı isə 0,1 faiz artaraq 13349,5 tona bərabər olub. Həmçinin yumurta istehsalı 10863 min ədəd, olmaqla keçən illə müqayisədə 0,8 faiz çox olub, yun istehsalı isə 288 tona çatıb.
Bölmənin digər xəbərləri
