“Neftçi”nin kapitanından ikiqat yubiley
Bakı, 12 mart, AZƏRTAC
“Neftçi”nin futbolçusu Ruslan Abışov yubiley qoluna imza atıb.
AZƏRTAC Peşəkar Futbol Liqasına istinadla xəbər verir ki, müdafiəçi Azərbaycan Premyer Liqasının XIX turunun “Keşlə” ilə görüşündə komandasına 3:2 hesablı qələbə qazandıran topun müəllifi olub. Bu qol R.Abışovun Azərbaycan çempionatlarında 20-ci qoludur. O, özünün 226-cı matçında buna nail olub.
R.Abışov bu qollardan yarısını “Neftçi”nin heyətində rəqib qapısından keçirib. “Ağ-qaralar”ın kapitanı yetirməsi olduğu komandada 142-ci çempionat matçında “10”a çatıb.
Müdafiəçi “Neftçi”nin tarixində 33-cü futbolçudur ki, Azərbaycan çempionatında 10 və daha çox qol vurub.
Qeyd edək ki, futbolçu cari mövsümdə 3-cü qoluna imza atıb.
Bölmənin digər xəbərləri
