NEFTİN QİYMƏTİNDƏ YENİ REKORD QEYDƏ ALINMIŞDIR
AZƏRTAC xarici informasiya agentliklərinə istinadla xəbər verir ki, neftin qiyməti yeni rekord həddə çatmışdır.
Nyu-York hərracında neftin 1 barrelinin qiyməti 5 dollar artaraq 147 dollara satılmışdır. Buna səbəb İran və Nigeriyanın neft hasilatını azaltması, Braziliya neftçilərinin bu həftə tətil edəcəkləri barədə çıxışları göstərilir.
ABŞ Prezidenti Corc Buş enerji böhranının qarşısını almaq məqsədi ilə Konqresdən ölkədə yeni neft yataqlarının kəşfi barədə qanunun qəbulunu tələb etmişdir. Sərmayəçilər isə artan inflyasiya və dolların dəyərinin düşməsi ilə eyni vaxtda neftə külli miqdarda sərmayə yatırmışlar.
Bölmənin digər xəbərləri
