Nigeriyanın neft istehsalı yarıdan çox azalıb
Bakı, 23 may, AZƏRTAC
Nigeriyadakı neft emalı zavodları keçən il öz imkanlarının 50 faizindən az istehsal həyata keçirib.
AZƏRTAC xəbər verir ki, bu barədə Nigeriya Milli Neft Şirkəti (NNPC) məlumat yayıb. Bildirilir ki, Kaduna, Warri və Port Harcourtda yerləşən 4 neft emalı zavodu 2017-ci ildə gündəlik orta hesabla 445 min barrel neft istehsal edib. Bu göstərici zavodların öz həcminin 50 faizindən az istehsal həyata keçirməsi deməkdir.
Neft İxrac edən Ölkələr Təşkilatının (OPEC) aylıq hesabatına görə, apreldə Nigeriyada gündəlik neft hasilatı 8 min 300 barrel azalıb.
2017-ci ildə ölkənin ümumilikdə 41 milyard dollar olan ixracının təxminən 33 milyard dollarını xam neft ixracı təşkil edib. İqtisadiyyatı neftə əsaslanan Nigeriya 37 milyard barrel neft ehtiyatı ilə dünyanın ən böyük 9-cu ölkəsidir.
Bölmənin digər xəbərləri
