Niko Hülkenberq: Azərbaycan Qran-Prisi ildən-ilə daha da maraqlı olur
Bakı, 24 aprel, AZƏRTAC
Formula 1 çempionatının “Renault” komandasının pilotu Niko Hülkenberq bu həftəsonu keçiriləcək Azərbaycan Qran-Prisi barədə təəssüratlarını bölüşüb.
AZƏRTAC xəbər verir ki, N.Hülkenberq deyib: “Bakı maraqlı yerdir, duyğu baxımından adi Qran-Prilərdən fərqlənir. Azərbaycanda trass hər hansı küçə yürüşlərindən seçilir. Çünki hər şey bir-birinə olduqca yaxın yerləşir, hətta otel və bokslar belə.
Qədim evlər, tikililər və döşənmiş küçələr - bütün bunları seyr etmək çox xoşdur. Yürüşlər ildən-ilə maraqlı keçir. Son iki mövsümdə bir az bəxtim gətirməyib, lakin hər fürsətdən istifadə etmək üçün daim lazım olan vaxt ehtiyac olan yerdə olmalısan”.
Bölmənin digər xəbərləri
