NÖVBƏTİ MONİTORİNQ ÖLKƏDƏ QUŞ QRİPİ OLDUĞUNU TƏSDİQLƏMƏDİ

03.10.2006 [18:53]
Çap et
A⁺ A^-

Ekologiya və təbii sərvətlər, kənd təsərrüfatı və səhiyyə nazirliklərinin əməkdaşları quş qripinin mümkün faktlarını üzə çıxarmaq məqsədi ilə növbəti monitorinq keçirmişlər.

Ekologiya və Təbii Sərvətlər Nazirliyinin mətbuat xidmətində AZƏRTAC-ın müxbirinə bildirmişlər ki, Abşeron, Ağgöl və Şirvan milli parklarında, Qızılağac Dövlət qoruğunda və Dəvəçi rayonundakı “Sarvan” ovçuluq təsərrüfatında keçirilmiş monitorinq quş qripi əlaməti olan xəstə quşlar üzə çıxarmamışdır. Müvafiq analizlər keçirmək üçün tutulmuş 43 müxtəlif növlü quş Respublika Baytarlıq laboratoriyasına təhvil verilmişdir. Bununla əlaqədar lazımi aktlar tərtib edilmişdir.

Monitorinqin nəticələri yaxın vaxtlarda Dövlət Baytarlıq Xidməti tərəfindən elan olunacaqdır.