NÖVBƏTİ MONİTORİNQ ZAMANI GÖTÜRÜLMÜŞ NÜMUNƏLƏRDƏ “QUŞ QRİPİ” XƏSTƏLİYİNİN ƏLAMƏTLƏRİ AŞKAR EDİLMƏMİŞDİR

07.11.2006 [13:47]
Çap et
A⁺ A^-

Dövlət Baytarlıq Xidmətinin mətbuat mərkəzindən AZƏRTAC-a bildirmişlər ki, oktyabrın 25-dən 29-dək Abşeron yarımadasının, Pirallahı adasının, Dəvəçi, Salyan, Ağcabədi və Lənkəran rayonlarının milli qoruq və parklarında, dənizsahili zonalarında keçirilmiş növbəti monitorinq zamanı ovlanmış 41 çöl quşunun patoloji materialı, 10 çöl quşunun qanı, quşçuluq təsərrüfatlarından 2 min 250, ev təsərrüfatından isə 1 toyuğun patoloji materialı Respublika Baytarlıq Laboratoriyasında müayinə olunmuşdur. Həm çöl, həm də ev quşlarından götürülmüş nümunələrin heç birində yüksək patogenli “quş qripi” xəstəliyinin daşıyıcısı aşkar edilməmişdir.

Dövlət Baytarlıq Xidmətinin, Ekologiya və Təbii Sərvətlər və Səhiyyə nazirliklərinin mütəxəssislərinin apardığı monitorinq zamanı adı çəkilən ərazilərin heç birində quş leşinə və ya xəstə quşa təsadüf edilməmişdir.

Sərhədlərdə baytarlıq nəzarəti məntəqələri ciddi iş rejimində fəaliyyət göstərir, rayonların baytarlıq idarələri kifayət qədər dezinfeksiyaedici maddələrlə təmin edilmişdir. Xəstəlik qeyd olunan ölkələrdən diri quş, quş məhsulları, yem və yem əlavələrinin gətirilməsinə, habelə köçəri quşların ovlanmasına qoyulmuş qadağa qüvvədə qalır.

NÖVBƏTİ MONİTORİNQ ZAMANI GÖTÜRÜLMÜŞ NÜMUNƏLƏRDƏ “QUŞ QRİPİ” XƏSTƏLİYİNİN ƏLAMƏTLƏRİ AŞKAR EDİLMƏMİŞDİR

MÜƏLLİFLƏ ƏLAQƏ

Bölmənin digər xəbərləri