Nyu-Yorkda koronavirusdan ölənlərin sayı 20 mini ötüb
Bakı, 14 may, AZƏRTAC
ABŞ-ın Nyu-York şəhərində 185 206 nəfərin koronavirus infeksiyasına yoluxması faktı müəyyən edilib.
AZƏRTAC TASS informasiya agentliyinə istinadən xəbər verir ki, bu barədə şəhərin ictimai səhiyyə idarəsi məlumat yayıb.
Qeyd olunub ki, COVID-19 üçün götürülən analiz nümunələri müsbət çıxan 15 223 nəfər dünyasını dəyişib. Digər 5083 ölümünə səbəb isə koronavirusun yaratdığı xəstəlikdir.
Şəhərin meri Bill de Blazio bildirib ki, son 24 saat ərzində tibb müəssisələrinə qəbul edilən xəstələrin sayı gündə 51-dən 78-ə yüksəlib. Süni nəfəs aparatına ehtiyacı olanların da sayı 11 pasiyent artaraq 561-ə çatıb.
De Blazio bildirib ki, şəhər iqtisadiyyatının yenidən qurulmasına iki il ərzində təxminən 17 milyard ABŞ dolları həcmində federal yardım lazımdır.
Bölmənin digər xəbərləri
