NYU-YORKDA “VİCDANA ÇAĞIRIŞ” FONDUNUN İLLİK MÜKAFATININ TƏQDİMOLUNMA MƏRASİMİ KEÇİRİLƏCƏK
Qafqaz Müsəlmanları İdarəsinin sədri Şeyxülislam Allahşükür Paşazadə oktyabrın 1-də “Vicdana çağırış” fondu tərəfindən Nyu-Yorkda keçirilən illik mükafatın təqdimolunma mərasiminə dəvət almışdır.
Görkəmli siyasət və din xadimlərini birləşdirən “Vicdana çağırış” beynəlxalq fondunun əsası 1965-ci ildə qoyulmuşdur. Bütün dünyada dini azadlıq və insan hüquqlarının nəfinə iş aparan bu fond qarşılıqlı anlaşma və tolerantlıq prinsiplərini dəstəkləyir, etnik zəmində münaqişələrin artdığı bir zamanda tərəfləri ədalətə, vicdanın səsinə biganə qalmamağa çağırır.
“Vicdana çağırış” fondunun təsis etdiyi illik mükafat - 2002-ci ilin “Dövlət xadimi” mükafatı oktyabrın 1-də Nyu-Yorkun möhtəşəm “Mariot Markus” mehmanxanasında Kanadanın Baş naziri Jan Kretyenə, daha bir illik mükafat isə “Hyulet Pakard” şirkətinin rəhbəri Karleton Fiorinaya təqdim olunacaqdır.
Bölmənin digər xəbərləri
