Nyu-Yorkun mərkəzində dörd evsiz-eşiksiz insan qətlə yetirilib
Bakı, 5 oktyabr, AZƏRTAC
Nyu-Yorkun mərkəzindəki Manhetten rayonunun Çin məhəlləsində dörd evsiz-eşiksiz insan qətlə yetirilib. AZƏRTAC CNN telekanalına istinadla xəbər verir ki, onları qətlə yetirməkdə şübhəli bilinən şəxs də həmin küçədə sığınacaq tapıb.
Nyu-York polisinin məlumatına görə, özü də evsiz-eşiksiz olan 24 yaşlı qatil həbs edilib. Onun yaraladığı daha bir insan isə ağır vəziyyətdə Manhetten xəstəxanasına yerləşdirilib. Polis detektivi Anet Şelton bildirib ki, qətldə şübhəli bilinən şəxs uzun müddətdir küçələrdə yaşayıb və sonda Çin qəsəbəsində sığınacaq tapıb. Onun sözlərinə görə, digər evsiz-eşiksizlərlə mübahisə edən bu şəxs onları metal alətlə qətlə yetirib və polislər onu cinayət yerindən bir neçə kilometr aralıda yaxalayıblar.
Şəhər polisi mərkəzdə yerləşən Manhetten və Brodveydə evsiz insanların sayının, həmçinin cinayətlərin artmasından narahatlıq ifadə edib.
Bölmənin digər xəbərləri
