Odessa-Bakı aviareysi açılmışdır
Bakı, 10 iyun (AZƏRTAC). Ukraynanın “Aerosvit” aviaşirkəti Odessa-Bakı-Odessa marşrutu üzrə birbaşa uçuşlara başlamışdır.
Şirkətin Bakıdakı ofisindən AZƏRTAC-a bildirmişlər ki, aviareys hər həftənin cümə günləri Odessadan yerli vaxtla saat 18:00-da, Bakıdan isə saat 23:50-də yerinə yetiriləcəkdir.
Hər iki istiqamətə bir aviabiletin qiyməti 420 manatdır.
Qeyd edək ki, Azərbaycan və Ukrayna arasında uçuş coğrafiyasının genişləndirilməsi davam edir. Hazırda “Azərbaycan Hava Yolları” QSC (AZAL) Bakıdan Ukraynanın paytaxtı Kiyevə birbaşa uçuşlar yerinə yetirir. Eyni zamanda, Kiyev və Donetsk şəhərlərinə birbaşa aviareysləri Ukraynanın “Aerosvit” şirkəti də həyata keçirir.
Bundan başqa, AZAL iyunun 17-dən etibarən Bakı-Lvov, iyulun 2-dən isə Bakı-Simferopol və Bakı-Krım aviareysləri üzrə də birbaşa uçuşlara başlayacaqdır.
Bölmənin digər xəbərləri
