Oksana Kosaçenko: Bakı Qran-Prisi dramatik mübarizə şəraitində keçdi
Moskva, 1 may, AZƏRTAC
Rusiya KİV-ləri Formula 1 avtoyürüşləri üzrə dünya çempionatının Bakıda, şəhər trasında keçirilmiş dördüncü mərhələsini geniş işıqlandırıblar.
AZƏRTAC xəbər verir ki, Formula 1 avtoyürüşlərinin ilk rusiyalı iştirakçısı Vitali Petrovun keçmiş meneceri, idman şərhçisi Oksana Kosaçenko TASS agentliyinə müsahibəsində bu haqda danışıb. O qeyd edib ki, Azərbaycan Qran-Prisinə xas olan dramatizm və intriqa Formula 1 sinfinə aid maşınlarda avtoyürüşlərin təşkilatçılarının və bu çempionatın rəhbərliyinin maraqlarına uyğundur. O. Kosaçenko builki mövsümün çox yaxşı başlanmasını vurğulayaraq deyib: “Maraqlı hadisələrin çox olması həmişə xoşagələndir. Ümumiyyətlə, cari mövsüm çox yaxşı başlandı. Beş yürüşün hamısı bir-birindən maraqlı oldu”.
Rusiyanın idman saytlarında Azərbaycan Qran-Prisinin maraqlı statistikası, yarışlara gələnlərin sayının 2017-ci ildəki ilə müqayisədə 31 faiz artması, yürüşlərin yaxşı təşkil edilməsi və yarışlar çərçivəsində mədəni proqram barədə informasiya dərc edilib.
Fəridə Abdullayeva
AZƏRTAC-ın xüsusi müxbiri
Moskva
Bölmənin digər xəbərləri
