Ölkəmizdə ötən ildən rəqəmsal tətbiqlər geniş yayılsa da, data analitiklərin sayı çox azdır
Bakı, 26 oktyabr, AZƏRTAC
Hazırda Azərbaycanın ödəmə bazarı keçid və inkişaf dövrünü yaşayır.
AZƏRTAC xəbər verir ki, bunu "Baku Fintech Forum 2023" tədbirində "Goldenpay"ın İdarə Heyətinin sədri Naina Şükürova çıxışı zamanı deyib.
O qeyd edib ki, Azərbaycanda yeni qanunun tətbiqi ilə gətirilən balanslı yanaşma müştəriləri qoruyacaq, sabit maliyyə şəraiti yaradacaq və yeniliklərə imkan verəcək.
"Ötən ildən Azərbaycanda rəqəmsal tətbiqlər daha geniş yayılmağa başlayıb. Lakin data analitiklərin sayı çox azdır. Ümid edirəm ki, ali təhsil ocaqları gələcəkdə bu sahədə mütəxəssis yetişdirəcək", - deyə N.Şükürova bildirib.
Bölmənin digər xəbərləri
