OMBUDSMAN APARATINDA QANUN LAYİHƏSİ MÜZAKİRƏ EDİLMİŞDİR
Azərbaycan Respublikası İnsan Hüquqları üzrə Müvəkkilin Aparatında “Qadın və kişilərin hüquq bərabərliyinin dövlət təminatları haqqında” Azərbaycan Respublikası Qanun layihəsinin müzakirəsinə həsr edilmiş dəyirmi masa keçirilmişdir.
Ombudsman Aparatından AZƏRTAC-a bildirmişlər ki, müvəkkil Elmira Süleymanova müzakirəyə çıxarılan sənədin ölkəmizdə qadın və kişilərin hüquq bərabərliyinin dövlət təminatının möhkəmləndirilməsi sahəsində mühüm rol oynayacağını söyləmiş, dəyirmi masanın iştirakçılarını layihənin müzakirəsində fəal iştiraka, təklif və mülahizələrini bildirməyə dəvət etmişdir.
Milli Məclisin deputatı Məlahət Həsənova qanun layihəsinin ümumi müddəaları barədə məlumat vermişdir.
Müzakirədə səslənən təkliflərin Milli Məclisə göndərilməsi tövsiyə olunmuşdur.
Bölmənin digər xəbərləri
