ON BEŞ ÖLKƏNİN ƏN FƏAL GƏNCLƏRİ BAKIYA GƏLİR
Bakı, 19 oktyabr (AZƏRTAC). Avropa Şurasının dəstəyi ilə Gənclər və İdman Nazirliyi, “Salto Youth Resurs Mərkəzi”nin təşkilatçılığı ilə oktyabrın 19-dan 25-dək Bakı və Gəncə şəhərlərində “Azərbaycanda gənclər işinin reallığı” mövzusunda beynəlxalq tədbir keçiriləcəkdir.
Tədbirdə Avropa İttifaqına üzv 15 ölkənin, o cümlədən Fransa, Portuqaliya, Avstriya, Belçika, Polşa və Türkiyənin “Gənclər fəaliyyətdə” proqramı üzrə milli agentliklərinin rəsmi nümayəndələrinin, eyni zamanda, Avropanın ən fəal gənclər təşkilatları nümayəndələrinin iştirakı nəzərdə tutulmuşdur.
Məqsəd Azərbaycanda həyata keçirilən gənclər siyasəti ilə yaxından tanış olmaq, “Gənclər fəaliyyətdə” və “Şərq tərəfdaşlığı” proqramları üzrə ölkəmizdə, eləcə də Avropanın digər ölkələrində həyata keçirilməsi planlaşdırılan layihələrin geniş müzakirəsini aparmaqdır.
Qeyd edək ki, səfər çərçivəsində qonaqlar bir neçə rəsmi görüşlər keçirəcək, ölkəmizdə fəaliyyət göstərən qeyri-hökumət təşkilatlarında olacaq, həmçinin gələcək layihələrlə bağlı müxtəlif debat və diskussiyalarda iştirak edəcəklər.
Bölmənin digər xəbərləri
