ON YEDDİ YAŞLILARDAN İBARƏT YIĞMA KOMANDALAR ARASINDA PÜŞKATMA MƏRASİMİ KEÇİRİLMİŞDİR
AFFA-nın İcraiyyə Komitəsinin 2008-ci ilin iyulun 5-də keçirilmiş iclasında qəbul edilən qərara əsasən, Premyer Liqada çıxış edən klubların nəzdindəki 17 (U-17) yaşlı futbolçulardan ibarət komandalar arasında turnir keçiriləcəkdir.
AZƏRTAC-a AFFA-dan bildirmişlər ki, iyulun 30-da qurumun inzibati binasında U-17-lərin turnirinin püşkatma mərasimi olmuşdur. Premyer Liqa klublarının nəzdindəki U-17-lər iki qrupda mübarizə aparacaqlar. A qrupunda 8, B qrupunda isə 6 komanda yarışacaqdır. Qrup oyunları başa çatdıqdan sonra ilk 3 pilləni tutan komandalar arasında 1-6-cı yerlər uğrunda, digər yerləri tutan komandalar arasında isə 7-14-cü yerlər uğrunda iki dövrədən ibarət yarış keçiriləcəkdir.
Püşkün nəticələrinə görə A qrupunda “Standard” - “Qarabağ”ı, “Olimpik” - “Neftçi”nı, “Bakı” - “Bakılı”nı, MOİK - “İnter”i, B qrupunda isə
“Qəbələ” - “Simurq”u, NBC - “Karvan”ı və “Turan” - “Xəzər-Lənkəran”I qəbul edəcəkdir.
Bölmənin digər xəbərləri
