“ORACLE” KORPORASİYASI “SKYWİRE SOFTWARE” ŞİRKƏTİNİN ALINMASI HAQQINDA RAZILAŞMA ƏLDƏ ETMİŞDİR
“Oracle” korporasiyası proqramların hazırlanmasında ixtisaslaşan “Skywire Software” şirkətinin alınması haqqında razılaşma əldə etmişdir.
Şirkətdən AZƏRTAC-a bildirmişlər ki, “Skywire Software” sığorta sahəsi üçün proqram təminatlarının, həmçinin sənəd dövriyyəsinin idarə edilməsi üçün biznes-proqramların aparıcı təchizatçısıdır. Şirkətin proqram məhsulları sığorta şirkətlərinə polislərin təqdim edilməsi, sığorta tariflərinin müəyyənləşdirilməsi, sığorta agentlərinin idarə olunması və məlumat mübadiləsi kimi prosesləri dəstəkləməklə sığorta polislərinin həyat dövriyyəsinin tənzimlənməsinə yardım edir. “Skywire Software” texnologiyalarından istifadə “Oracle” korporasiyasının sığorta şahəsi üçün nəzərdə tutulmuş ən müasir və tam proqramlar kompleksinin hazırlanmasını sürətləndirəcəkdir.
Bu ilin ikinci yarısına planlaşdırılan razılaşma başa çatdırılanadək şirkətlər müstəqil şəkildə fəaliyyət göstərəcəklər.
Bölmənin digər xəbərləri
