“ORACLE” ŞİRKƏTİ FƏALİYYƏTİNİ GENİŞLƏNDİRİR

08.11.2006 [20:40]
Çap et
A⁺ A^-

AZƏRTAC xəbər verir ki, noyabrın 8-də “Avropa” mehmanxanasında “Oracle” korporasiyası texnoloji seminar keçirmişdir. Tədbir respublikanın aparıcı müəssisələrinin rəhbərləri üçün bir çox məsələlərin həllinin bir növ davamı olmuşdur. Belə ki, “Oracle”ın məhsulları dünyanın, o cümlədən Rusiyanın, digər MDB ölkələrinin iri müəssisələrinin avtomatlaşdırılması sahəsində təcrübənin öyrənilməsi hesabına Azərbaycan şirkətlərinin mənfəətliyini və səmərəliliyini artırmağa kömək edir.

Seminarı “Oracle” texnologiyalarının MDB ölkələrində satış direktoru Mariya Kuvanova açmışdır. O demişdir ki, Azərbaycan “Oracle” üçün prioritet ölkədir, çünki kəskin iqtisadi yüksəliş məhz burada müşahidə olunur. Onun sözlərinə görə, əvvəlki görüşdə söhbət Azərbaycan informasiya texnologiyaları bazarı iştirakçılarının müəssisələrin informasiya texnologiyaları sahəsində ehtiyaclarını yaxşı öyrənməsindən və sazişlər bağlamağa hazır olmasından gedirdisə, indi bu, sadəcə, razılaşmaların yerinə yetirilməsi ilə məhdudlaşmır. İndi çoxları yeni mürəkkəb infrastruktur layihələrinə can atır.

Sonra şirkətin regional nümayəndəsi Nikolay Danyukovun “Oracle” korporasiyasının informasiya arxitekturası uğurlu korporativ strategiyanın elementidir” mövzusunda məruzəsi dinlənilmişdir.

Fasilədən sonra seminar işini bölmələrdə davam etdirmişdir.

“ORACLE” ŞİRKƏTİ FƏALİYYƏTİNİ GENİŞLƏNDİRİR

MÜƏLLİFLƏ ƏLAQƏ

Bölmənin digər xəbərləri