Orxan Məmmədov: KOBİA qadınların sahibkarlıqla məşğul olmalarını dəstəkləyir
Bakı, 19 oktyabr, AZƏRTAC
Paytaxt və regionlarda 50-dən çox KOBİA İnkişaf Mərkəzi fəaliyyət göstərir.
AZƏRTAC xəbər verir ki, bunu Azərbaycan Qadınlarının VI Qurultayı çərçivəsində “Sosial-iqtisadi islahatların gender aspektləri. Formal və qeyri-formal məşğulluqda qadın təmsilçiliyi” mövzusunda keçirilən panel müzakirələrdə Kiçik və Orta Biznesin İnkişafı Agentliyinin (KOBİA) İdarə Heyətinin sədri Orxan Məmmədov deyib.
Ölkədə qadın sahibkarlığının inkişafı istiqamətində görülən işlərdən danışan Orxan Məmmədov regionlarda qadın sahibkarlara dəstək tədbirlərinin əhəmiyyətini qeyd edib. “KOBİA olaraq qadın sahibkarlarla sıx işləyirik. Regionlarda yaşayan qadınlarımızın əksəriyyəti evdən çıxmadan sahibkarlıqla məşğul olmaq istəyir. Biz bu işdə onlara dəstək veririk. Düşünürəm ki, bu, çox müsbət təcrübədir”, - deyə Orxan Məmmədov diqqətə çatdırıb.
Bölmənin digər xəbərləri
