ÖTƏN DOQQUZ AYDA BFB-DƏ İSTİQRAZLAR ÜZRƏ 11 HƏRRAC OLMUŞDUR
Bu ilin doqquz ayı ərzində Bakı Fond Birjasında (BFB) qısamüddətli dövlət istiqrazlarının (QDİ) yerləşdirilməsi üzrə 11 hərrac keçirilmişdir. Birjanın mətbuat xidmətindən AZƏRTAC-ın müxbirinə bildirmişlər ki, bu hərraclarda yerləşdirilən istiqrazların ümumi həcmi 390 milyard 341 milyon manat olmuşdur.
Həmin dövr ərzində ikinci QDİ bazarında əqdlər bağlanarkən ümumi məbləği 27 702 580 200 manat olan 27 927 istiqraz satılmışdır. Bundan əlavə, QDİ üzrə 115 413 840 manat məbləğində əks repo əməliyyatı keçirilmişdir.
Bu ilin üç rübündə korporativ qiymətli kağızlar bazarında dövriyyə 11 031 730 800 manat təşkil etmişdir. Həmin müddətdə 1 498 485 səhm satılmışdır.
Bölmənin digər xəbərləri
