Ötən il dünyada hərbi xərclər ilk dəfə olaraq iki trilyon dolları ötüb
Bakı, 25 aprel, AZƏRTAC
Stokholm Beynəlxalq Sülh Araşdırmaları İnstitutunun (SIPRI) hesabatına görə, keçən il dünyada hərbi xərclər ilk dəfə rekord həddi - 2 trilyon dolları ötüb.
Bu siyahıda ilk beşlik belədir: ABŞ, Çin, Hindistan, Böyük Britaniya və Rusiya Federasiyası.
AZƏRTAC xəbər verir ki, hesabata əsasən, bu ölkələr birlikdə 2021-ci ildə qlobal hərbi xərclərin 62 faizinə sahibdirlər.
SIPRI-nın məlumatına görə, 2021-ci ildə Birləşmiş Ştatların hərbi xərcləri 2020-ci illə müqayisədə 1,4 faiz azalaraq 801 milyard dollar təşkil edib. Çinin xərcləri isə 2020-ci illə müqayisədə 4,7 faiz çoxalıb (293 milyard dollar).
Beşinci pillədə qərarlaşan Rusiya isə ötən il müdafiə xərcləri üçün 65,9 milyard dollar ayırıb.
Bölmənin digər xəbərləri
